პარმენ წულუკიძე

დაბადების ადგილი: სოფელი კაჩაეთი, ამბროლაურის რაიონი.

1918 წელს მენშევიკურმა მთავრობამ დააპატიმრა. განთავისუფლების შემდეგ, 1920 წელს გაემგზავრა მოსკოვში, სადაც მუშაობდა რსფსრ შრომის სახელმწიფო კომისარიატში. საქართველოში საბჭოთა ხელისუფლების გამარჯვების შემდეგ იგი საპასუხისმგებლო პოსტებზე იყო: რაჭის მაზრის მუშათა და გლეხთა დეპუტატების საბჭოს აღმასკომის თავმჯდომარე (1922), საქართველოს სსრ სასოფლო-სამეურნეო ბანკის დირექტორი, საქართველოს სსრ კომუნალური მეორნეობის სახელმწიფო კომისარი, საქართველოს სსრ მიწათმოქმედების სახელმწიფო კომისარიატის კომისრის მოადგილე; მუშაობდა საქართველოს სსრ მუშათა და გლეხთა ინსპექციის სახელმწიფო კომისარიატში, სსრკ სატყეო საქმეთა სახელმწიფო კომისარიატის რწმუნებული საქართველოში. რევოლუციური მოძრაობის მოღვაწე საქართველოში.

წყარო: ქართული საბჭოთა ენციკლოპედია: ტ. 11.-თბ., 1987.-გვ.349; საქართველოს პარლამენტის ეროვნული ბიბლიოთეკის ვებგვერდი: სტალინური სიები: nplg.gov.ge

• რაჭის მაზრის გლეხთა დეპუტატების საბჭო, თავმჯდომარე (1918-)
• სკკპ , წევრი (1917-)