ნოდარ გაბედავა

დაბადების ადგილი: ქ. ტყვარჩელი (აფხაზეთის ასსრ).

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის საინჟინრო-ეკონომიკური ფაკულტეტი (მშენებლობის ეკონომიკა და ორგანიზაცია), ინჟინერ-ეკონომისტის კვალიფიკაციით 1977 წელს, ხოლო 1983 წელს - საბჭოთა კავშირის "სახმშენის" საბინაო მშენებლობის ცენტრალური სამეცნიერო-კვლევითი და ექსპერიმენტული პროექტირების ინსტიტუტის (ЦНИИЭП жилища) ასპირანტურა (ქ. მოსკოვი). 

1977 წელს მუშაობა დაიწყო საქართველოს მშენებლობის სამინისტროს სოხუმის სახლმშენებელ კომბინატში ინჟინრად; 1979-1980წწ. საგეგმო-ეკონომიკური განყოფილების უფროსი იყო, ხოლო 1980-1986წწ. - გენერალური დირექტორის მოადგილე; 1986 წლიდან გადაიყვანეს საქართველოს საავტომობილო გზების სამინისტროს საწარმოო გაერთიანება "აფხაზავტოგზაში", სადაც 1995 წლამდე მუშაობდა გენერალური დირექტორის მოადგილედ; 1995 წლიდან იყო ს/ს "ეგრისის", შპს "ჯეოსელის", ს/ს "საქართველოს საფოსტო ბანკის" სამეთვალყურეო საბჭოების თავმჯდომარის მოადგილე, თავმჯდომარე; 2007 წლიდან - შპს "პრომა აუდიტის", ხოლო 2009 წლიდან დღემდე საერთაშორისო სერტიფიკატის მქონე დამოუკიდებელი აუდიტორია; წლების განმავლობაში მონაწილეობდა სოხუმში, "ლეჩკოპის" პლატოზე, ახალი საცხოვრებელი რაიონის ბინათმშენებლობის სამშენებლო-სამონტაჟო სამუშაოებში, სოხუმის, ოჩამჩირისა და გაგრის შემოვლითი გზების, "ნოვოროსიისკი-თბილისი-ბაქოს" საავტომობილო მაგისტრალისა და სხვა საგზაო ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.109; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.46

• 1998 - ღირსების მედალი
  საქართველოში კავშირგაბმულობისა და ფოსტის სისტემის განვითარებაში შეტანილი დიდი წვლილისათვის