ოთარ გაბედავა

დაბადების ადგილი: ქ. ტყვარჩელი (აფხაზეთის ასსრ).

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის საინჟინრო-ეკონომიკური ფაკულტეტი მშენებლობის ეკონომიკა და ორგანიზაციის სპეციალობით 1978 წელს.

1978-1993წწ. მუშაობდა საქართველოს მშენებლობის სამინისტროს ქ. სოხუმის სახლმშენებელ კომბინატში საგეგმო განყოფილების ეკონომისტად, სამშენებლო ნაკადის ოსტატად, სამუშაოთა მწარმოებლად; შრომითი საქმიანობის პარალელურად, 1955 წელს დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით; იყო სახლმშენებელი კომბინატის N2 სამშენებლო-სამონტაჟო სამმართველოს მთავარი ინჟინერი; შემდეგ გადაიყვანეს საქართველოს მშენებლობის სამინისტროს N6 სამშენებლო ტრესტის მთავარ ინჟინრად; 1993-1995წწ. ქ. მოსკოვში ხელმძღვანელობდა სამშენებლო კომპანიას, იყო მისი პრეზიდენტი; 1996-1997წწ. მუშაობდა ქ. თბილისის მერიაში, ჯერ ქ. თბილისის მუნიციპალიტეტის პრემიერის პირველი მოადგილის მრჩეველად, შემდეგ - განყოფილების უფროსად; 1997 წელს გადაიყვანეს ქ. ფოთის მერიაში, სადაც მუშაობდა განყოფილების უფროსად, ადმინისტრაციის უფროსად; 1999-2004წწ. იყო თბილისის მუნიციპალიტეტის საკრებულოს აპარატის უფროსი, ქალაქ თბილისის მთავრობის აპარატის უფროსი, მთავრობის წევრი; 2003 წელს დაიცვა დისერტაცია და მიენიჭა ეკონომიკის მეცნიერებათა კანდიდატის სამეცნიერო ხარისხი; ეწევა სამეცნიერო-საზოგადოებრივ საქმიანობას. უნივერსიტეტში სწავლის პერიოდში იყო სტუდენტთა სამეცნიერო საბჭოს თავმჯდომარე და გამოქვეყნებული აქვს რამდენიმე ნაშრომი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.110