მიხეილ ჯალაღანია

დაბადების ადგილი: სოფელი გოგოლისუბანი, ჩოხატაურის რაიონი.

დაამთავრა ჩოხატაურის შრომის სკოლა 1925 წელს.

მ. ჯალაღანია პირველად სცენაზე მოწაფეობის პერიოდში 1921 წელს, ჩოხატაურის კლუბთან არსებული დრამწრის წარმოდგენაში გამოვიდა. 1926-1934 წწ. მუშაობდა ამავე კლუბის გამგისა და რეჟისორის თანამდებობაზე. 1934-1938 წლებში იყო ჩოხატაურის თეატრის სამხატვრო ხელმძღვანელი, 1943-1948 წლებში კი თეატრის დირექტორი და სამხატვრო ხელმძღვანელია, ხოლო 1949 წლიდან ბათუმის დრამატული თეატრის მსახიობია. მის მიერ შესრულებული როლებიდან აღსანიშნავია: სიმონ ლიონიძე(გ. ერისთავის "სამშობლო"), ყვარყვარე(პ. კაკაბაძის "ყვარყვარე თუთაბერი"), გოჩა(ალ. ყაზბეგის "ხევისბერი გოჩა"), კოწია(შ. დადიანის "გუშინდელნი"), უკლება(მოსაშვილის "მისი ვარსკვლავი") და სხვ.

როგორც რეჟისორმა დადგა 40-მდე სხვადასხვა ჟანრის სპექტაკლი, მათ შორის: დ. კლდიაშვილის "ირინეს ბედნიერება", ავქ. ცაგარელის "ხანუმა" და "ციმბირელი", ტრ. რამიშვილის "სტუმარ-მასპინძლობა", მეზობლები, "საბედისწერო დამბაჩა", შ. დადიანის  "როს ნადიმობდნენ", ი. გედევანიშვილის "მსხვერპლი" და "სინათლე", ს. კლდიაშვილის "გმირთა თაობა" და სხვ.

 წყარო: ხელოვნების კალენდარი: თეატრი, მუსიკა, კინო.- თბ., 1994.-გვ.80

• 1967 - საქართველოს დამსახურებული არტისტი
• 1950 - აჭარის ავტონომიური რესპუბლიკის დამსახურებული არტისტი