პავლე თუთარაშვილი

დაბადების ადგილი: ქ. ქუთაისი.

საგუნდო ხელოვნების სიყვარული ქუთაისის II საშუალო სკოლის მომღერალთა გუნდში მონაწილეობისას ჩაენერგა, სადაც მისი მასწავლებელი ჯერ ბართლომე კუხიანიძე იყო, შემდეგ კი, თავისი ძმა, პეტრე თუთარაშვილი; მეხუთე კლასის მოწაფე იყო, როდესაც სასკოლო გუნდის ლოტბარობა დაავალეს; 1934 წელს ვანში გადასახლდა; იქ კიროვის სახელობის საშუალო სკოლაში ჩაირიცხა, სადაც დირექციამ დაავალა სკოლის გუნდის ხელმძღვანელობა; თვრამეტი წლისამ სკოლა დაამთავრა და იქვე სიმღერის მასწავლებლად მოეწყო; ამავე დროს დაევალა სარაიონო გუნდის ხელმძღვანელობა; ამ გუნდმა თავი ისახელა საქართველოს მეექვსე, მეშვიდე, მერვე და მეცხრე რესპუბლიკურ ოლიმპიადებზე; დაიმსახურა პირეველი ხარისხის დიპლომი; გარდა ამისა, გუნდმა მონაწილეობა მიიღო საქართველოს პირველ რესპუბლიკურ ფესტივალში, სადაც გუნდსა და მის ხელმძღვანელს, პავლე თუთარაშვილს ერგოთ პირველი ხარისხის დიპლომი; ლოტბარი.

წყარო: ხალხური სიმღერის მოამაგენი.-თბ., 2007.-გვ. 105