თამაზ გამცემლიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1969 წელს.

1960 წლიდან მუშაობდა "საქენერგოს" სპეციალიზებულ სამშენებლო-სარემონტო ტრესტში (ამჟამად - სს "ენერგომმშენი"): მშენებელ ოსტატად; 1968-1972წწ. ნორმადარად; 1972-1982წწ. სამუშაოთა მწარმოებლად, უფროს სამუშაოთა მწარმოებლად; 1982 წელს დაინიშნა სამშენებლო-სამონტაჟო სამმართველოს მთავარ ინჟინრად; 1986 წელს - სამმართველოს უფროსად; 1992 წელს ტრესტის მმართველად, მოგვიანებით - სააქციო საზოგადოების გენერალურ დირექტორად; ხელმძღვანელობდა "ზაჰესის", "ხრამჰესის" კასკადში შემავალი ჰიდროსადგურების, "საქენერგოს" სარემონტო-მექანიკური ქარხნის, ცენტრალური ელექტროქსელისა და თბილისის "თბოცენტრალის" ობიექტების სამშენებლო-სამონტაჟი და სარეკონსტრუქციო სამუშაოებს, ასევე, თბილისის ცენტრალურ ქუჩებსა და სანაპირო ზოლში თბოტრასების, მაღალი ძაბვისა და კავშირგაბმულობის კაბელების სამშენებლო-სარეკონსტრუქციო სამუშაოებს; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.120; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 63