გრიგოლ გარუჩავა

დაბადების ადგილი: ქ. ბათუმი.

დაამთავრა მოსკოვის მიწათმოწყობის ინჟინერთა ინსტიტუტის არქიტექტურის ფაკულტეტი 1985 წელს.

1979-1980წწ. შრომითი საქმიანობა დაიწყო სვერდლოვსკის არქიტექტურის ინსტიტუტში ლაბორანტად; 1985-1997წწ. იყო ბათუმის საქალაქო საბჭოს აღმასკომის არქიტექტურის განყოფილების უფროსი არქიტექტორი, საწარმოო ჯგუფის მთავარი არქიტექტორი; 1997-2000წწ. აჭარის მშენებლობის სამინისტროს არქიტექტურისა და ქალაქმშენებლობის განყოფილების უფროსი; 200-20003წწ. აჭარის ურბანიზაციის სამინისტროს არქიტექტურისა და ქალაქმშენებლობის სამმართველოს უფროსი; 2003-20005წწ. აჭარის ეკონომიკის სამინისტროს ქალაქმშენებლობის დეპარტამენტის არქიტექტურისა და ქალაქმშენებლობის სამმართველოს უფროსი; 2005-2006წწ. იყო ქ. ბათუმის მთავარი არქიტექტორი; 2007 წლიდან შპს "კონსტრუქტორი -21"-ის არქიტექტორი; 2012 წლიდან მუშაობს აჭარის ფინანსთა და ეკონომიკის სამინისტროს სივრცითი დაგეგმარების ჯგუფში; 1990-1994წწ. პრაქტიკული პროფესიული საქმიანობის პარალელურად, წლების განმავლობაში ეწეოდა პედაგოგიურ მოღვაწეობას ბათუმის ჰუმანიტარულ კოლეჯსა და 1996 წლიდან ბათუმის ხელოვნების უნივერსიტეტში; მონაწილეობდა აჭარაში განხორციელებული მრავალი ობიექტის დაპროექტებასა და მშენებლობაში; მათ შორისაა საცხოვრებელი სახლები: "გალოგრე", "ალიკი", "რიწა", "რჩეული" - ბათუმში (1995-2005წწ.); სასტუმროსა და რესტორნის რეკონსტრუქცია შუახევში (2008წ.), სასტუმროები, 17-სართულიანი სასტუმრო-საცხოვრებელი კომპლექსი "ხიხანი", "რომპეტროლის" ავტოგასამართი კომპლექსი ქ. ქობულეთში (1998-2008წწ.), 12 და 10-სართულიანი მრავალბინიანი საცხოვრებელი სახლები ბათუმში - ლერმონტოვისა და სულაბერიძის ქუჩაზე (2009-2010წწ.), ბათუმის სასულიერო გიმნაზიის ახალი კორპუსი (2008წ.), რესტორანი "რივიერა" (2010წ.), საზაფხულო თეატრის შენობა ბათუმის ბულვარში (2011-2012წწ.) და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.124