ავთანდილ გაჩეჩილაძე

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი და შემდგომ ამავე ინსტიტუტის ასპირანტურა.

1976-1984წწ. მუშაობდა საკავშირო დაქვემდებარების თბილისის ზონალურ ს/კ, ტიპური და ექსპერიმენტული პროექტირების ინსტიტუტ "თბილზნიიეპში"; 1984-1989წწ. მუშაობდა საპროექტო ინსტიტუტ "საქქალაქმშენსახპროექტში"; 1989-2007წწ. კვლავ საპროექტო ინსტიტუტ "თბილზნიიეპში" მუშაობდა სხვადასხვა ხელმძღვანელ თანამდებობებზე; 2007-2011წწ. მუშაობდა შპს სკფ "გამა"-ში არქიტექტორად; 2011 წლიდან შპს "გამა კონსალტინგის" მთავარი არქიტექტორია; შესრულებული აქვს 100-ზე მეტი არქიტექტურული და ინფრასტრუქტურული პროექტი, მათ შორის: 9, 12, 16-სართულიანი საცხოვრებელი სახლები მსხვილბლოკოვან კონსტრუქციებში; ქ. გორის სახლთმშენებელი კომბინატისათვის დამუშავებული აქვს პანელოვანი 5-სართულიანი საცხოვრებელი სახლების სერია, საშუალო სკოლა 33 კლასზე და სხვა ტიპური პროექტები; სახელმწიფო უშიშროების კომიტეტის კომიტეტის უმაღლესი სკოლა ქ. თბილისში და სხვა მნიშვნელოვანი ობიექტები, როგორც საქართველოში ასევე მის საზღვრებს გარეთ; მიღებული აქვს მონაწილეობა არქიტექტურულ კონკურსებში და დაჯილდოებულია სხვადასხვა პრემიებით; პროფესიული საქმიანობის პარალელურად ეწეოდა პედაგოგიურ მოღვაწეობას, სხვადასხვა უმაღლეს სასწავლებლებში; აქვს 5 გამოგონება მშენებლობის დარგში და 20-ზე მეტი სამეცნიერო ნაშრომი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.125

• საქართველოს არქიტექტორთა კავშირი, წევრი (1982-)
• სსრკ არქიტექტორთა კავშირი, წევრი