ვეზან ხორნაბუჯელი

ვეზან ხორნაბუჯელი, ხორნაბუჯის(კამბეჩოვანის) ერისთავი VI საუკუნეში. ვეზან ხორნაბუჯელის ერისთავობა ემთხვევა ქართლში ირანელების ბატონობის პერიოდს. იგი შაჰის ირანელი მოხელე იყო. კამბეჩოვანში ერისთავად დანიშნა სასანური ირანის ცნობილმა მხედართმთავარმა, აზერბაიჯანის მარზპანმა, ბაჰრამ-ბარ-ბაჰრამ გუშნასპმა(ჩუბინად წოდებული). დაახლოებით VI საუკუნის 70-იან წლებში, ირანელთა ბატონობით უკმაყოფილო ჰერები, რომელთაც ასამ და ვარაზვარდ ბაგრატიონები მეთაურობდნენ, აჯანყდნენ და ვეზან ხორნაბუჯელი მოკლეს. 

წყარო: საქართველო: ენციკლოპედია: ტ.III.–თბ., 2014. გვ.235