თადეოზი გეგელია

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტი ინჟინერ-ჰიდროტექნიკოსის კვალიფიკაციით 1934 წელს.

1934 წლიდან მუშაობდა საქართველოს ენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში ჯერ უმცროს, შემდეგ კი უფროს მეცნიერ-თანამშრომლად. ასევე, ჰიდრავლიკური ლაბორატორიის გამგედ; ინსტიტუტში მუშაობის დროს მისი ხელმძღვანელობით შესრულდა მნიშვნელოვანი ექსპერიმენტული სამუშაოები, რომლებიც ეხებოდა მაღალმთიანი ჰესების სათავე ნაგებობებს; 1943-1945წწ. მუშაობდა თბილისის რკინიგზის ტრანსპორტის ინჟინერთა ინსტიტუტის ჰიდრავლიკისა და წყალმომარაგების კათედრის დოცენტად; იყო საქართველოს კომპარტიის ცკ-ის სათბობ-ენერგეტიკული კომპლექსის განყოფილების გამგის მოადგილე; 1946-1965წწ. მუშაობდა საკავშირო საპროექტო-საძიებო ინსტიტუტ "ჰიდროპროექტის" თბილისის განყოფილების დირექტორად; 1966-1971წწ. საქართველოს ენერგეტიკისა და ჰიდროტექნიკურ ნაგებობათა სამეცნიერო-კვლევითი ინსტიტუტის დირექტორი იყო; არის მრავალი სამეცნიერო ნაშრომისა და სტატიის ავტორი. ტექნიკურ მეცნიერებათა კანდიდატი (1943), ტექნიკურ მეცნიერებათა დოქტორი (1968).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.127; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 66

• საქართველოს დამსახურებული გამომგონებელი
• საქართველოს დამსახურებული ინჟინერი