ჯემალ გვაზავა

დაბადების ადგილი: სოფელი ნაგვაზაო, მარტვილის რაიონი.

დაამთავრა საქართველოს სასოფლო-სამეურნეო ინსტიტუტის ჰიდრომელიორაციის ფაკულტეტი ჰიდროტექნიკოსის კვალიფიკაციით 1957 წელს.

1957-1961წწ. მუშაობდა აფხაზეთის საკურორტო სარემონტო-სამშენებლო სამმართველოში სამუშაოთა მწარმოებლად; 1961-1974წწ. სოხუმის ილია ვეკუას სახელობის ფიზიკურ-ტექნიკური ინსტიტუტის სამშენებლო სამმართველოში - სამუშაოთა მწარმოებლად; 1974-1981წწ. ამავე სამმართველოს უფროსად; 1981 წლიდან სათავეში ედგა საბჭოთა კავშირის საშუალო მანქანათმშენებლობის სამინისტროს სოხუმის სამშენებლო სამმართველოს; ხელმძღვანელობდა სტრატეგიული დანიშნულების ლაბორატორიების კომპლექსისა და არაერთი საცხოვრებელი ობიექტის მშენებლობას ქ. სოხუმში; მიღებული ჰქონდა სახელმწიფო და საუწყებო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.135

• საქართველოს დამსახურებული ინჟინერი