ლეონიდე გვათუა

დაბადების ადგილი: სოფელი ხორში, სენაკის რაიონი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1935 წელს.

1935-1939წწ. მუშაობდა თბილისის საქალაქო საბჭოს კრწანისის რაისაბჭოს აღმასკომის სარემონტო სამმართველოს მთავარ ინჟინრად; 1939-1943წწ. ამავე რაიონის აღმასკომის თავმჯდომარედ; 1943-1955წწ. იყო სოხუმის საქალაქო საბჭოს აღმასკომის თავნჯდომარის მოადგილე; 1955-1960წწ. ტრესტ "სოხუმმშენისა" და საქართველოს მშენებლობის სამინისტროს N6 სამშენებლო ტრესტის მმართველი; 1960 წელს დაინიშნა აფხაზეთის ადგილობრივი მრეწველობის სამინისტროს საშენ მასალათა კომბინატის დირექტორად; მისი უშუალო მონაწილეობითა და ხელმძღვანელობით აიგო და საექსპლუატაციოდ გადაიცა სოხუმის სახელმწიფო დრამატული თეატრის შენობა, აეროპორტის შენობა, პროფკავშირების სასახლე, ზღვისპირა კოლონადა, სარკინიგზო ხიდი მდ. ბესლეთზე; აფხაზეთის ასსრ ტერიტორიის ფარგლებში გამაგრდა შავი ზღვის სანაპირო ზოლი; ეწეოდა სამეცნიერო საქმიანობას მშენებლობის განხრით; არის არაერთი სამეცნიერო ნაშრომისა და გამოგონების ავტორი. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.135-136

• პიზის კოშკის გამაგრების პროექტის საერთაშორისო კონკურსი, პირველი პრემიის ლაურეატი
• საქართველოს სახელმწიფო პრემია
• საქართველოს დამსახურებული ინჟინერი