ვასო კობახიძე

დაბადების ადგილი: სოფელი ნიკორწმინდა, ამბროლაურის მუნიციპალიტეტი.

ცხრამეტი წლის ასაკიდან მღეროდა მიხეილ კავსაძის გუნდში; ასევე ისწავლა ცეკვები ა. ალექსიძისაგან; თითქმის ათი წლის განმავლობაში მღეროდა მარო თარხნიშვილის გუნდში, თან გუნდის ადმინისტრატორიც იყო; 1927 წელს ნება დართეს შეექმნა რაჭა-ლეჩხუმის ეთნოგრაფიული მომღერალ-მოცეკვავეთა წრე; გამოდიოდა ესტრადაზეც; მომდევნო წლიდან კონცერტებს მართავდა  ჯერ მუშათა კლუბებში, ხოლო შემდეგ - ფართო აუდიტორიის წინაშე; მისი გუნდი სხვადასხვა რაიონებსა და კოლმეურნეობებში მართავდა კონცერტებს და ძალზე საინტერესო რაჭული რეპერტუარით იქცევდა ყურადღებას; მონაწილეობდა რესპუბლიკურ ოლიმპიადებში და მრავალი ჯილდო აქვს მიღებული; ქალაქ რუსთავში ხანგრძლივი მოღვაწეობის დროს მეტალურგ მუშებს ჩაუნერგა ქართული სიმღერის სიყვარული; 1963 წელს თბილისში მისი დაბადებიდან 70 და მოღვაწეობის 50 წლის იუბილე გადაუხადეს; ლოტბარი.

წყარო: ხალხური სიმღერის მოამაგენი.-თბ., 2007.-გვ. 125; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 98

• 1966 - საქართველოს ხელოვნების დამსახურებული მოღვაწე