ვლადიმერ კოიძე

დაბადების ადგილი: სოფელი კონჭკათი, ოზურგეთის რაიონი.

დაამთავრა თბილისის საქონელმცოდნეობის ტექნიკუმი.

მღეროდა აღმოსავლეთ საქართველოს სიმღერისა და ცეკვის სახელმწიფო ანსამბლში, რომელსაც სანდრო კავსაძე ხელმძღვანელობდა; 1945 წლიდან მუშაობდა სოფელ სუფსის საშუალო სკოლაში სიმღერის მასწავლებლად; სამი წლის შემდეგ მახარაძეში გადავიდა საცხოვრებლად, სადაც კვლავ განაგრძო მოღვაწეობა; 1954 წელს თბილისში მხატვრული თვითმოქმედების მერვე რესპუბლიკურ ოლიმპიადაში მონაწილეობისათვის დაჯილდოვდა პირველი ხარისხის საპატიო სიგელით; ამავე წლიდან მუშაობდა ჯუმათისა და სილაურის საკოლმეურნეო გუნდების და ნასაკირალის ჩაის საბჭოთა მეურნეობის თვითმოქმედი სიმღერისა და ცეკვის ანსამბლის ხელმძღვანელად; მრავალჯერ დაიმსახურა პირევლი ადგილი და მაღალი შეფასება რეპერტუარის სწორი და ფაქიზი შესრულებისათვის; მხატვრული თვითმოქმედების მეცხრე რესპუბლიკურ ოლიმპიადაზე მონაწილეობდა ვლადიმერ ერქომაიშვილის ხელმძღვანელობით არსებულ ანსამბლთან ერთად, რისთვისაც კულტურის სამინისტროს საპატიო სიგელით დაჯილდოვდა; უძღვებოდა ნატანების ჩაის საბჭოთა მეურნეობის მუშა-მოსამსახურეთა ანსამბლს, აგრეთვე-ჯუმათისა და ჩონჩხათის საკოლმეურნეო მომღერალთა გუნდებს; ლოტბარი.

წყარო: ხალხური სიმღერის მოამაგენი.-თბ., 2007.-გვ. 125