ზურაბ გვენეტაძე

დაბადების ადგილი: ქ. თბილისი.

სწავლობდა თბილისის რკინიგზის ტრანსპორტის ინჟინერთა ინსტიტუტში, დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი რკინიგზის მშენებლობის სპეციალობით 1961 წელს.

1961 წელს მუშაობა დაიწყო სამშენებლო-სამონტაჟო ტრესტ "საქჰიდროენერგომშენში", "ენგურჰესის" მშენებლობაზე სამთო-ოსტატად; მუშაობდა კაშხლისათვის ენგურის წყლის შემოსავლები გვირაბის მშენებლობაზე; 1961-1971წწ. მუშაობდა "ენგურჰესის" ძალოვანი კვანძის მშენებლობის სამმართველოს უბნის უფროსად, სადერევაციო გვირაბის, დამუშავებული წყლის გადამყვანი გვირაბის წყლის შემოსასწორებელი შახტის მშენებლობაზე; 1971-1973წწ. მივლინებული იყო კუბის სახალხო რესპუბლიკაში მთავარ სპეციალისტდ, მთავარი ინჟინრის მრჩევლად; მის მიერ დამზადებული მცოცავი ყალიბის მეშვეობით კაშხლის სხეულში აიგო რკინაბეტონის 80,0 მ. სიმაღლის ნაგებობა-კოშკი; 1974-1977წწ. მუშაობდა სამშენებლო-სამონტაჟო ტრესტ "საქჰიდროენერგომშენის", "ჟინვალჰესის" მშენებლობის N2 და N3 შახტის უფროსად, სადაც მისი მონაწილეობით, მეცნიერთა ჯგუფთან ერთად, დანერგილ იქნა, პირველად საქართველოში, საცდელი გვირაბგამყვანი ფარი პრესბეტონის ტექნოლოგიის საფუძველზე; 1977-1978წწ. იყო საქართველოს საავტომობილო გზების სამინისტროს "გვირაბხიდმშენინდუსტრიის" კომბინატის უფროსის მოადგილე; 1978 წლიდან ამავე სამინისტროს გვირაბმშენი რაზმის უფროსი, ხოლო 1986-1992წწ. ზუგდიდის რკინაბეტონის ნაკეთობათა ქარხნის დირექტორი; 1992-2005წწ. მუშაობდა რუსეთში, ჩელიაბინსკის ოლქში, ქართულ-რუსული ერთობლივი სამშენებლო-სამონტაჟო საწარმო "კოლხა-ТДИ"-ს უფროსის მოადგილედ წარმოების დარგში; ეწეოდა მრავალპროფილიან სამშენებლო საქმიანობას; დაჯილდოებულია სახელმწიფო ჯილდოებით. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.139

• საქართველოს მშენებელთა კავშირი, წევრი