გივი გვილავა

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1948 წელს.

ინსტიტუტის დამთავრების შემდეგ მუშაობა დაიწყო რუსთავის მეტალურგიული ქარხნის მშენებლობაზე; 1950 წლიდან მუშაობდა შავიზღვისპირა რკინიგზის მშენებლობაზე; იყო სამუშაოთა მწარმოებელი, უბნის უფროსი, სოხუმის N7 სამშენებლო სამმართველოს მთავარი ინჟინერი; 1965 წლიდან მუშაობდა სამშენებლო-სამონტაჟო ტრესტ "ამიარკავკასტრანსმშენის" განყოფილების უფროსად; მისი უშუალო ხელმძღვანელობითა და მონაწილეობით აშენდა შავიზღვისპირა რკინიგზის "სოხუმი-ხოსტის" მონაკვეთი, "ზუგდიდი-ჯვარის", "კვეზანი-აკამარას", "მარაბდა-ახალქალაქის" რკინიგზის ხაზები, ფოთის საზღვაო ვაგზალი, კოპიტნარის აეროპორტი, დასასვენებელი სახლები, საავადმყოფოები და საცხოვრებელი სახლები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.140-141

• საპატიო ნიშნის მედალი
• საპატიო ნიშნის ორდენი
• საქართველოს დამსახურებული ინჟინერი