ბორის გიორბელიძე

დაბადების ადგილი: სოფელი ბზიფი, გაგრის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველი და სამოქალაქო მშენებლობის სპეციალობით 1974 წელს.

1974-1982წწ. მუშაობდა საქართველოს სასოფლო მშენებლობის სამინისტროს N8 მოძრავ-მექნიზებული კოლონის მთავარ ინჟინრად, უფროსად; 1982-1992წწ. იყო საქართველოს საკოლმეურნეობათაშორისო სამშენებლო გაერთიანება "საქკოლმშენის" გაგრის საკოლმეურნეობათაშორისო სამშენებლო სამმართველოს მთავარი ინჟინერი; 1993-1999წწ. კი შპს "მთის ბროლის" პრეზიდენტი; ხელმძღვანელობდა გაგრის მერძევეობის კომპლექსისა და მთელი მისი საყოფაცხოვრებო ინფრასტრუქტურის, ასევე, მრავალი მნიშვნელოვანი სასოფლო-სამეურნეო დანიშნულების ობიექტის მშენებლობას ქ. გაგრის ზონაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.142