გიორგი გიორგაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1976 წელს;

ზონალურ ს/კ ტიპური და ექსპერიმენტული პროექტირების ინსტიტუტ "ლენზნიეპის" მიზნობრივი ასპირანტირა 1982 წელს.

1976-1979წწ. მუშაობდა საპროექტო ინსტიტუტ "თბილქალაქპროექტში"; 1979-1982წწ. მუშაობდა ს/კ ტიპური და ექსპერიმენტული პროექტირების ინსტიტუტ "ლენზნიეპში", ხოლო 1982-1988წწ. თბილისის ზონალურ ს/კ, ტიპური და ექსპერიმენტული პროექტირების ინსტიტუტ "თბილზნიიეპში"; 1988-2016წწ. მუშაობდა სსიპ ტექნოლოგიური განვითარების ფონდში, შპს "არქიმედიაში", თბილისის მერიის ურბანული დაგეგმარების საქალაქო სამსახურში, საქართველოს ურბანიზაციისა და მშენებლობის სამინისტროში, სახ. საწარმო "ჰაბიტატ ჯორჯიაში" (UN HABITAT), საქართველოს მშენებლობისა და არქიტექტურის სამინისტროში; 2009-2016წწ. ეწეოდა სამეცნიერო-კვლევით და პედაგოგიურ მოღვაწეობას; კითხულობდა ლექციებს ილიას უნივერსიტეტში, თელავის უნივერსიტეტში და სასულიერო აკადემია-სემინარიაში; წლების განმავლობაში მუშაობდა საერთაშორისო ორგანიზაციებში და მონაწილეობდა უცხოურ პროექტებში, გაეროს განვითარების პროგრამა (UNDP) და სხვა; მონაწილეობდა სხვადასხვა კონკურსებსა და ტენდერებში: 1997 წელს UNHCR (გაეროს ლტოლვილთა უმაღლესი კომისარიატი) სამშენებლო ტენდერი ლტოლვილთა დროებითი საცხოვრისის მშენებლობაზე; ქუთაისის ავტოქარხნის დასახლება (I პრემია); 2003 წელს თბილისის მერიის ტენდერი: "ჩუღურეთის წინასაპროექტო ქალაქგეგმარებითი კვლევა" (I ადგილი); მინიჭებული აქვს სპეციალური სტიპენდიები და წოდებები: 2003 წელს სტრატეგიული განვითარების ცენტრის (OSI) სპეციალური სტიპენდია "საჯარო მოხელე კორუფციის წინააღმდეგ".

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.143

• 2014 - "თბილისზე მზრუნველის" საპატიო წოდება (ქ. თბილისის მუნიციპალიტეტის მერია)
  თბილისის განვითარებაში შეტანილი წვლილისათვის
• 1987 - საქართველოს მშენებლობის სამინისტროს კონკურსი, III პრემია
• 1985 - მოსკოვის საერთაშორისო კონკურსი, I პრემია