ჯემალ გოჩაშვილი

დაბადების ადგილი: სოფელი ხეითი, შიდა ქართლი.

დაამთავრა თბილისის კულტსაგანმანათლებლო სასწავლებლის თეატრალური განყოფილება 1965 წელს.

მუშაობა დაიწყო ცხინვალის კ. ხეთაგუროვის სახელობის ქართულ დასში. მის მიერ შესრულებული როლებიდან აღსანიშნავია: ჯილბერტი (ვ. ჰიუგოს "მარია ტიუდორი"), მორის ჯერალდინი (მაინ რიდის "უთავო მხედარი"), ვახტანგი (ი. ურჯუმელაშვილის "მძახლები"), იეთიმ გურჯი (ო. მამფორიას "იეთიმ გურჯი"), საშა (ვ. სობკოს "შორეული ფანჯრები"), საქუა (ავქ. ცაგარელის "რაც გინახავს, ვეღარ ნახავ"), ჯოტო (ი. ჭავჭანიძის "ნისლიანი დღეები"), ბარათაშვილი (გ. ნატროშვილის "მიწაში დამარხული სხივები") და სხვა; გადაღებულია ფილმში: "ომი და ქორწილი" (2010).

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.14; ეროვნული ფილმოგრაფია-     www.geocinema.ge

• 1978 - საქართველოს დამსახურებული არტისტი