შოთა ხუციშვილი

დაბადების ადგილი: ქ. თბილისი.

1946 წელს ჩააბარა თბილისის ი. ნიკოლაძის სამხატვრო ტექნიკუმში(ფერწერის ფაკულტეტი, მხატვარ შერპილოვის კლასი), დაამთავრა სამხატვრო ტექნიკუმი მხატვარ-ფერმწერის დიპლომით 1951 წელს.

1956-1958წწ. მუშაობდა მხატვარ ი. სუმბათაშვილის სახელოსნოში და პარალელურად მარჯანიშვილის თეატრში შტატგარეშე მხატვარ-დეკორატორად. 1958 წლიდან სიცოცხილის ბოლომდე იყო გორის თეატრის მთავარი მხატვარი. გააფორმა საქართველოს თითქმის ყველა თეატრის მრავალი სპექტაკლი (თბილისი, ქუთაისი, რუსთავი, სოხუმი, ჭიათურა, ახალციხე, ტყიბული, ცხინვალის ქართული და ოსური დასები). მისი შემოქმედება მაინც სამი ათეული წლის მანძილზე მჭიდროდაა დაკავშირებული გორის თეატრთან. სადაც გააფორმა 142 სპექტაკლი. მათ შორის აღსანიშნავია: ლოპე დე ვეგას "ცეკვის მასწავლებელი", ნ. ელიოზიშვილის "ბებერი მეზურნეები", გ. ლესინგის "ემილია გალოტი" (ამ უკანასკნელის ესკიზები ინახება გერმანიაში, გ. ლესინგის სახლ-მუზეუმში), გ. ნახუცრიშვილის "ფიროსმანი", მ. გორკის "მდაბიონი", ა. ყაზბეგის "მამის მკვლელი", კ. ჩაპეკის "თეთრი სენი", ო. ჩხეიძის "ვისია, ვისი"?, გ. ლორკას "სისხლიანი ქორწილი", ი. გრიშაშვილის "ბაბაჯანას ქოშები", მ. მრევლიშვილის "ზვავი", ო. ჭელიძის "ბუდე მეცხრე სართულზე", დ. კლდიაშვილის "უბედურება" და "მსხვერპლი", ა. პაპაიანის "დიახ, ქვეყანა გადაბრუნდა", ალ. სუმბათაშვილის "ღალატი" და ბოლო ნამუშევარი კ. ლორთქიფანიძისა "მთას დაუბრუნდა მთიელი". 1967-1968წწ. გაიარა მთავარი მხატვრის საკვალიფიკაციო კურსები მოსკოვში.

წყარო: ხელოვნების კალენდარი: თეატრი, მუსიკა, კინო.- თბ., 1996.-გვ.10

• 1979 - კოტე მარჯანიშვილის სახელობის პრემია
  სპექტაკლ ახალგაზრდა გვარდიის გაფორმებისთვის
• 1978 - ა.ლ. პოპოვის სახელობის ვერცხლის მედალი
  სპექტაკლ "ახალგაზრდა გვარდიის" გაფორმებისთვის
• 1967 - საქართველოს დამსახურებული მხატვარი