ალეკო გოგიაშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი  სპეციალობით "ჰიდროტექნიკური მშენებლობა" 1956 წელს.

1957წელს დაიწყო შრომითი საქმიანობა " ხრამჰეს - ll"-ის მშენებლობაზე სამშენებლო-სამონტაჟო სამმართველოს ოსტატად. მუშაობდა სამთო ოსტატად, საწარმოო-ტექნიკური განყოფილების ინჟინრად, მშენებარე ლაჯანურჰესის დირექციის უფროს ინჟინერ-ჰიდროტექნიკოსად (1959), მთავარ ინჟინრად, ენგურჰესის მშენებარე კასკადის დირექციის საწარმოო-ტექნიკური განყოფილების უფროსად (1961წ.), ენგურჰესის მშენებლობის სამმართველოს საწარმოო განყოფილების უფროსად (1964), ენგურჰესის მშენებარე კასკადის დირექტორად (1973). 1979 წელს დაინიშნა "საქმთავარენერგოს" უფროსის მოადგილედ კაპიტალური მშენებლობის დარგში, სადაც იმუშავა სიცოცხლის ბოლომდე. დაჯილდოვებულია: საიუბილეო მედლით " თავდადებული შრომისთვის" (1970), საქართველოს სსრ უმაღლესი საბჭოს პრეზიდიუმის საპატიო სიგელით (1982), მიღებული აქვს აფხაზეთის ასსრ მინისტრთა საბჭოსთან არსებული ფიზიკური კულტურისა და სპორტის კომიტეტის პირველი ხარისხის დიპლომი " ნიჩბოსნობის განვითარების აქტიური მუშაობისთვის" (1975), საქართველოს სსრ პროფესიულ-ტექნიკური განათლების სახელმწიფო კომიტეტის მადლობა შიო მღვიმის სამონასტრო კომპლექსის ელექტრომომარაგებისთვის (1983), მრავალი საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.150

• 1979 - საქართველოს დამსახურებული ინჟინერი
• 1979 - შრომის წითელი დროშის ორდენი
• შრომის ვეტერანის მედალი