
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

კორნელი მაღრაძე

Date of birth:	1866
Date of death:	1936 (at 70 years)
Category:	Singer, Humanitarian

Biography

დაბადების ადგილი: სოფელი წევა, ზესტაფონის რაიონი.

სწავლობდა თბილისის სასულიერო სემინარიაში, შემდეგ ოდესის სემინარიაში.

სემინარიაში სწავლის პერიოდში ნოტები შეისწავლა და სემინარიის დამთავრების შემდეგ ქუთაისის სასულიერო სასწავლებელში დაიწყო პედაგოგად მუშაობა, პარალელურად, 1904 წლამდე სიმღერა-გალობას ასწავლიდა; გაიხსნა თუ არა ქუთაისის რეალური სასწავლებელი, მიწვეულ იქნა სიმღერა-გალობის მასწავლებლად; მისი მოწაფეები იყვნენ შემდგომში ცნობილი მათემატიკოსი ანდრია რაზმაძე, ინჟინერ-მეტალურგი ნიკოლოზ ქაშაკაშვილი, ექიმი-თერაპევტი ნ. გეგეჭკორი, ინჟინერი გრ. გეგეჭკორი(ეს უკანასკნელი მასწავლებელს გუნდის ლოტბარობაში ეხმარებოდა); მას შესანიშნავი ტემბრის ტენორი ჰქონდა; მის მოსასმენად მრავალი არამლოცველიც კი მოდიოდა ქუთაისის სობოროში, სადაც იგი არქიელის მიწვევით დიდხანს იყო საეკლესიო გუნდის ხელმძღვანელი; გარდა ამისა, ქუთაისშივე მან მრავალი ხალხური გუნდი ჩამოაყალიბა და ხშირად მართავდა საჯარო კონცერტებს; ამავე პერიოდში დაიწყო მან მოღვაწეობა, როგორც კომპოზიტორმა; დაიბეჭდა მისი ადრეული ნაწარმოებები, რომანსი "ჩემს ვარსკვლავს"(ნიკოლოზ ბარათაშვილის ტექსტზე); მრავალი ხალხური სიმღერა ნოტებზე გადაიღო, მრავალიც საგუნდოდ გადაამუშავა, რომელთაც გუნდების რეპერტუარში რთავდნენ მელიტონ კუხიანიძე, ძმები მიხეილ და ნიკო შარაბიძეები, მისი ყოფილი მოწაფე, კომპოზიტორი კოტე ფოცხვერაშვილი; იგი საკმაო დროს უთმობდა საეკლესიო მუსიკის შექმნას, მეტად მელოდიურია მისი "მამაო ჩვენო", "მრწამსი"; მალე იგი თბილისში გადავიდა საცხოვრებლად; აქ რკინიგზის სკოლაში მუშაობდა პედაგოგად, ხოლო პარალელურად 1924-1930წწ. უძღვებოდა პროფსაბჭოს ხალხურ მომღერალთა გუნდს; ძალიან ხშირად სხავდასხვა ხალხურ გუნდებს, ამავე პროფსაბჭოს დავალებით, კონსულტაციებს უწევდა; თავის ცოდნასა და მდიდარ გამოცდილებას უზიარებდა ახლბედა ლოტბარებს; ლოტბარი.

წყარო: ხალხური სიმღერის მოამაგენი.-თბ., 2007.-გვ. 146

Member of Organizations

ქართველთა შორის წერა-კითხვის გამავრცელებელი საზოგადოება, წევრი (1906-19??)
ქართველთა შორის წერა-კითხვის გამავრცელებელი საზოგადოება, ქუთაისის განყოფილების წევრი (1916-19??)