ავთანდილ მაჭავარიანი

დაბადების ადგილი: სოფელი დიმი, ბაღდათის რაიონი

დაამთავრა თბილისის ზ. ფალიაშვილის სახელობის ცენტრალური მუსიკალური სკოლის საგუნდო-სადირიჟორო განყოფილება 1954 წელს, ვანო სარაჯიშვილის სახელობის თბილისის სახელმწიფო კონსერვატორია 1959 წელს.

სწავლის პერიოდში მუშაობდა კონსერვატორიასთან არსებულ საოპერო სტუდიაში გუნდის დირიჟორად; კონსერვატორიის დასრულების შემდეგ თბილისის II მუსიკალურ სასწავლებელში გაანაწილეს პედაგოგად; 1960 წელს გაგზავნეს პედაგოგად ქ. ქუთაისის მელიტონ ბალანჩივაძის სახელობის მუსიკალურ სასწავლებელში; ამავე პერიოდში ქუთაისის III მუსიკალური სასწავლებლის დირექტორადაც მუშაობდა; ნიჭიერი ლოტბარი ქუთაისის საავტომობილო ქარხანამ გუნდის ხელმძღვანელად მიიწვია, მაგრამ ამავე დროს მას ასეთივე წინადადებით მასწავლებლის სახლმაც მიმართა; იგი ლოტბარად ქუთაისის საყოფაცხოვრებო მომსახურების კომბინატის მომღერალთა გუნდმაც მიიწვია; ნიჭიერი ახალგაზრდა ჩვეული მონდომებით უძღვებოდა დაკისრებულ მოვალეობას; ლოტბარი.

წყარო: ხალხური სიმღერის მოამაგენი.-თბ., 2007.-გვ. 147