ევგენი გოგოტიშვილი

დაბადების ადგილი: უზბეკეთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

1963 წლიდან მუშაობდა საქართველოს მინისტრთა საბჭოს საქმეთა მმართველობაში, რუსთავის ქიმიური კომბინატის მთავარ არქიტექტორად; 1970-1971წწ., როგორც საქართველოს მშენებლობის სამინისტროს ტრესტ "ორგტექმშენის" მთავარი სპეციალისტი, ხელმძღვანელობდა სამშენებლო სამუშაოებს, რსფსრ-ის ულიანოვსკის ოლქის ქ. ტოლიატის ავტოქარხნის მშენებლობაზე და უმაღლესი შეფასება დაიმსახურა; 1974-1984წწ. სათავეში ედგა ქ. თბილისის სახელმწიფო არქიტექტურულ-სამშენებლო კონტროლის სამმართველოს; იყო თბილისის მთავარი არქიტექტურულ-დაგეგმარებითი სამმართველოს უფროსის მოადგილე; თბილისის საქალაქო საბჭოს აღმასკომის სახალხო განათლების სამმართველოს უფროსის მოადგილე, საქართველოს პროფსაბჭოს კურორტების მართვის რესპუბლიკური საბჭოს კაპმშენებლობის სამმართველოს მთავარი ინჟინერი, რესპუბლიკური გაერთიანება "საქაგრომშენის" ტექნიკური სამმართველოს უფროსი; 1989 წელს დაინიშნა საქართველოს მშენებლობის სამინისტროს სამშენებლო-სამონტაჟო გაერთიანება "მთავართბილქალაქმშენის" უფროსის მოადგილედ, სადაც მუშაობდა 1996 წლამდე; მისი უშუალო ხელმძღვანელობით თბილისში აიგო მრავალი საცხოვრებელი სახლი და სოციალურ-კულტურული დანიშნულების ობიექტი; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.158