ბორის გოლუბჩიკოვი

დაბადების ადგილი: ქ. ქუთაისი.

დაამთავრა მოსკოვის არქიტექტურის ინსტიტუტი არქიტექტურის სპეციალობით 1964 წელს. იქვე დაამთავრა ასპირანტურა და დაიცვა დისერტაცია.

მუშაობდა მოსკოვის საცხოვრებელი სახლების ექსპერიმენტული პროექტების ცენტრალურ სამეცნიერო-კვლევით ინსტიტუტში, ასევე, ანალოგიურ ინსტიტუტში სამკურნალო და საკურორტო შენობების მიმართულებით - არქიტექტორად, შედგომ მთავარი არქიტექტორისა და განყოფილების ხელმძღვანელის თანამდებობაზე; საქართველოში დაბრუნების შემდეგ მუშაობდა ქ. ქუთაისის მთავარ არქიტექტორად და საქალაქო საბჭოს აღმასკომის არქიტექტურული დაგეგმარების განყოფილების უფროსის თანამდებობაზე; 1983 წლიდან მუშაობს თბილისის სახელმწიფო სამხატვრო აკადემიის არქიტექტურის ფაკულტეტზე ქალაქგეგმარების მიმართულების ხელმძღვანელად; მისი ავტორობით შემუშავდა პროექტი და აშენდა ქ. ადლერში დასასვენებელი კომპლექსი 7000 დამსვენებელზე, მონოლითური ვარიანტი, მცოცავი ქარგილის გამოყენებით, არქიტექტურის განყოფილება ქალაქ ქუთაისში, სასტუმრო და სავაჭრო ბიზნეს-ცენტრი ქ. ტიუმენში; გამოქვეყნებული აქვს 72-მდე სამეცნიერო ნაშრომი. მათ შორისაა "პროფილაქტიკურ-სამკურნალო დახმარების არქიტექტურულ გეგმარებითი ორგანიზაცია"; მონაწილეობდა მრავალ არქიტექტურულ კონკურსში, ფერწერული და გრაფიკული ნამუშევრების გამოფენებში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.159-160