ანა ხარაძე

დაბადების ადგილი: ქ. კიროვაბადი, აზერბაიჯანი.

1952-1977წწ. საქართველოს სსრ მეცნიერებათა აკადემიის ბოტანიკის ინსტიტუტის მცენარეთა სისტემატიკისა და გეოგრაფიული განყოფილების გამგე; მისი შრომები ეხება მცენარეთა სისტემატიკის, ფლორისტიკისა და კავკასიის ფლორის ისტორიის საკითხებს. შეადგინა კავკასიონის მაღალმთის ბოტანიკურ-გეოგრაფიული დარაიონების ორიგინალური სქემა. იყო "საქართველოს ფლორის" პასუხისმგებელი რედაქტორი და ძირითადი შემდგენელი, "სსრკ ფლორის", ზოგიერთი რესპუბლიკური "ფლორის" და "საქართველოს სსრ წითელი წიგნის" ერთ-ერთი ავტორი. "მცენარეთა სისტემატიკის ნარკვევების" 18 განაკვეთის რედაქტორი. 80-მდე ახალი ტაქსონის ავტორი. მიღებული აქვს სახელმწიფო ჯილდოები. ბოტანიკოს-სისტემატიკოსი, ფლორისტი და ბოტანიკოს-გეოგრაფი. 

წყარო: ქართული საბჭოთა ენციკლოპედია: ტ. 11.-თბ., 1987.-გვ.435-436

• შრომის წითელი დროშის ორდენი