გოჩალეიშვილი ვლადიმერ

დაბადების ადგილი: ქ. ოჩამჩირე, აფხაზეთის ასსრ.

დაამთავრა ხარკოვის საინჟინრო-სამშენებლო ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1962 წელს.

1962 წელს განაწილებით მუშაობას იწყებს ქ. დონეცკში, საპროექტო ინსტიტუტ "გიპროგრადში"; 1964 წლიდან მუშაობდა რესპუბლიკურ გაერთიანება "საქკოლმშენის" ოჩამჩირის სამშენებლო ორგანიზაციაში წარმოების უფროსად, მთავარ ინჟინრად, შემდგომ კი თავმჯდომარედ (1974 წლამდე); 1974 წელს, ბზიფის ექსპერიმენტული სახლმშენებელი კომბინატის რეკონსტრუქციასთან დაკავშირებით, გადაყვანილ იქნა ამ კომბინატის სპეცდანიშნულების ობიექტების სამშენებლო სამმართველოს უფროსად; 1977 წელს დაინიშნა საქართველოს სასოფლო მშენებლობის სამინისტროს მიერ ახლად შექმნილი N7 სამშენებლო ტრესტის სამრეწველო საწარმოთა კომბინატის დირექტორად, რომელსაც 1992 წლამდე ხელმძღვანელობდა; მისი უშუალო მონაწილეობით და ხელმძღვანელობით აშენდა მრავალი სამრეწველო, სასოფლო-სამეურნეო და სოციალური დანიშნულების მნიშვნელოვანი ობიექტი; დაჯილდოებულია საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.164

• ღირსების ორდენი
• აფხაზეთის ასსრ დამსახურებული ინჟინერი