დურმიშხან ხულორდავა

დაბადების ადგილი: ქ. თბილისი.

დაამთავრა თბილისის კინომსახიობთა სკოლა 1948 წელს.

1953-1955 წლებში მარჯანიშვილის თეატრის მსახიობია. მის მიერ შესრულებული როლებიდამ აღსანიშნავია: არტემ ივანიჩი (ავქ. ცაგარელის "რაც გინახავს, ვეღარ ნახავ"), პოლკოვნიკი ქიშვარდი (მ. ჭიაურელის, ლ. ასათიანის "1917"), გერმანელი ოფიცერი (გ. შატბერაშვილის "რკინის პერანგი"), პატარა ნიკოლა (ლ. გოთუას "მეფე ერეკლე"), მკერავი, გრიგორიო (უ. შექსპირის "ჭირვეულის მორჯულება" და "რომეო და ჯულიეტა") დიამბეგი (ი. ჭავჭავაძის "კაცია ადამიანი?!"); 1955 წლიდან მუშაობს საქართველოს სახელმწიფო ფილარმონიაში ესტრადის მსახიობად. 1958-1970 წლებში დ. ხულორდავა მოზარდ-მაყურებელთა ქართული თეატრის მსახიობია, სადაც მრავალი როლი განასახიერა. მათ შორის აღსანიშნავია: მრჩევცი (ე. შვარცის "თოვლის დედოფალი"), ჯანჩორი (ა. ყაზბეგის "ციცია"), გენერალი ბარათოვი (გ. ნახუცრიშვილის "ბორის ძნელაძე") და სხვ. დ. ხულორდავამ განასახიერა რამდენიმე კინოროლი, მათ შორის: მსახიობი ("თეთრი ქარავანი", 1962), პორუჩუკი ("ლონდრე", 1966), სანდრო ("ქალაქი ადრე იღვიძებს",1967 ) და სხვ.

წყარო: ხელოვნების კალენდარი: თეატრი, მუსიკა, კინო.- თბ., 1993.- გვ.39

• 2000 - ღირსების ორდენი
• 1967 - საქართველოს დამსახურებული არტისტი
• საქართველოს სახალხო არტისტი