შოთა ხატიაშვილი

დაბადების ადგილი: სოფელი ანაგა, სიღნაღის რაიონი.

დაამთავრა საქართველოს სასოფლო-სამეურნეო ინსტიტუტი 1947 წელს.

1947 წელს მუშაობა დაიწყო სასოფლო-სამეურნეო ინსტიტუტში; 1972 წლიდან იყო სოფლის მეურნეობის პროდუქტების შენახვისა და დაკონსერვების ტექნოლოგიის კათედრის გამგე; 1973 წლიდან დარგობრივი სამეცნიერო კვლევითი ლაბორატორიის გამგე. მისი შრომები ძირითადად ეხება სოფლის მეურნეობის პროდუქტების ქიმიურ-ტექნოლოგიურ საკითხებს, ხილისა და ბოსტნეულის შენახვისა და დაკონსერვების პროგრესულ მეთოდებს. ავტორია უმაღლესი სკოლის რამდენიმე სახელმძღვანელოსი. დაჯილდოებულია მედლებით. ქართველი მეცნიერი კვების ტექნოლოგიის დარგში. ტექნიკურ ნეცნიერებათა დოქტორი(1970), პროფესორი(1971). 

წყარო: ქართული საბჭოთა ენციკლოპედია: ტ. 11.-თბ., 1987.-გვ.442

• სკკპ , წევრი (1945-)

• საპატიო ნიშნის ორდენი

• ხილისა და ბოსტნეულის შენახვის ტექნოლოგია : სახელმძღვ. სას. სამ. უმაღ. სასწ. აგრონ. სპეც. სტუდ. (ავტორი). - თბილისი, განათლება, 1992. - 330გვ.
• ყურძნის შენახვა პოლიეთილენის კონტეინერებში (ავტორი). - თბილისი, 1978. - 5გვ.