იური გოცაძე

დაბადების ადგილი: სოფელი თუზი, თერჯოლის რაიონი.

 დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1980 წელს.

1980-1982წწ. მუშაობდა თბილისის სამშენებლო ტრესტ "ინჟმშენის" N4 სამშენებლო-სამონტაჟო სამმართველოში მშენებელ ოსტატად; 1982-1984წწ. იყო საქართველოს მშენებლობის სამინისტროს ტრესტ "ორგტექმშენის" მონოლითური სახლმშენებლობის განყოფილების ჯგუფის უფროსი; 1984 წელს სამუშაოდ გადაიყვანა ახალშექმნილ საწარმოო-სამშენებლო გაერთიანება "საქმონოლითმშენში", სადაც მუშაობდა მონოლითური საცხოვრებელი სახლების მშენებლობაზე სამუშაოთა მწარმოებლად; შპს "მონოლითის" დამფუძნებელი და დირექტორია; არის საქართველოში მონოლითური სახლმშენებლობის ერთ-ერთი დამნერგავი; უშუალოდ მონაწილეობდა გლდანის V-VI და მუხიანის II-IV მკ/რაიონებში მონოლითური 16-სართულიანი საცხოვრებელი სახლების, დიღმის საცდელი მეურნეობის ტერიტორიაზე 16-სართულიან კორპუს "ასფურცელას" (აღმაშენებლის ხეივანი, მე-12 კმ) მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.165