ივანე გრემელაშვილი

დაბადების ადგილი: სოფელი შალაური, თელავის რაიონი.

დაამთავრა თბილისის სახელმწიფო სამხატვრო აკადემია არქიტექტორის სპეციალობით 1977 წელს.

1980 წლამდე მუშაობდა საპროექტო ინსტიტუტ "თბილქალაქპროექტში" არქიტექტორად; 1980-1993წწ. მუშაობდა ძეგლთა დაცვის სამმართველოს საპროექტო-სარესტავრაციო ინსტიტუტ "საქრესტავრაციაში" არქიტექტორ-რესტავრატორად, განყოფილების გამგედ; 1993 წლიდან, ჯერ საპროექტო ინსტიტუტ "საქრესტავრაციის", შემდეგ კი "ხუროთმოძღვრული მემკვიდრეობის რესტავრაციის ცენტრის" დირექტორი იყო; შესრულებული აქვს ქართული ხუროთმოძღვრების ოცდაათამდე ძეგლის სამეცნიერო-კვლევითი და საპროექტო-სარესტავრაციო სამუშაოები. მათ შორის: გელათის სამონასტრო კომპლექსის, გეგუთის არქიტექტურული კომპლექსის, ბაგრატის ტაძრის, ძველი ქუთაისის საფორტიფიკაციო ნაგებობებისა და სხვა; 1993 წლიდან ძეგლთა დაცვის მთავარი სამმართველოს სამეცნიერო-მეთოდური საბჭოს წევრია; პროფესიული შრომითი საქმიანობის პარალელურად პედაგოგიურ მოღვაწეობას ეწევა თბილისის სამხატვრო აკადემიაში; 1996-1997წწ. იყო ხუროთმოძღვრული მემკვიდრეობის დაცვის კანონზე მომუშავე საქართველოს პარლამენტის საკონსულტაციო საბჭოს წევრი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.168

• საქართველოს არქიტექტორთა კავშირი, წევრი