ნოდარ გრიგოლია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1961 წელს.

1961 წლიდან მუშაობდა სხვადასხვა საპროექტო ინსტიტუტში რიგით და უფროს ინჟინრად; 1966 წლიდან მუშაობდა საქართველოს მშენებლობის სისტემაში. განვლო ყველა პროფესიული სამსახურეობრივი საფეხური სამუშაოთა მწარმოებლიდან N4 სახლსაშენ კომბინატ "ლილოს" მმართველის პოსტამდე; კომბინატის პრივატიზაციის შემდეგ სს "ნაძალადევის" დირექტორი იყო; არის საქართველოს მაღლივი, ჩარჩოიანი და ჩარჩომობმული მშენებლობის ერთ-ერთი მესაძირკვლეთაგანი; 1980-1986წწ. გ. კიზირიასთან. მ. მარჯანიშვილთან, ა. ყაჭეიშვილთან და დ. ჯობავასთან ერთად, ამუშავებდა და ნერგავდა უშუალოდ მშენებლობაზე ანაკრებ-მონოლითურ, წინასწარდაძაბულ საძირკვლებს ჩარჩოიანი და ჩარჩომობმული კარკასული შენობა-ნაგებობებისთვის; ამ მეთოდს, რომლითაც თბილისში ათობით მაღლივი საცხოვრებელი სახლი აშენდა, ფართო გამოხმაურება ჰქონდა სამშენებლო სფეროს სამეცნიერო და საინჟინრო წრეებში; არის არაერთი ლიცენზირებული გამოგონების ავტორი; გამოცემული აქვს სახელმძღვანელო "შენობა-ნაგებობათა ავარიები, აღდგენა-გაძლიერება და ახალი კონსტრუქციები".

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.169; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.273

• 2000 - ღირსების ორდენი
• 1995 - ღირსების მედალი
• სსრკ სახალხო მეურნეობის მიღწევათა გამოფენა (ВДНХ), მედალი
• მედალი "შრომითი მამაცობისთვის"

• შენობა-ნაგებობათა ავარიები, აღდგენა-გაძლიერება და ახალი კონსტრუქციები : დამხმ. სახელმძღვ. (Co-Author). - თბილისი, ტექნიკური უნ-ტის გამ-ბა, 1996. - 250გვ.