დიმიტრი გუგუციძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტი სამთო საწარმოთა მშენებლობის სპეციალობით 1954 წელს.

მუშაობდა ქ. დონეცკში ღრმა შახტების მშენებლობაზე მთავარ ინჟინრად; 1957-1959წწ. უშუალოდ მონაწილეობდა ღრმა ვერტიკალური ჭაურების ჩქაროსნული გაყვანის ორი მსოფლიო რეკორდის დამყარებაში; მუშაობდა სამხედრო ბალისტიკური რაკეტების ბაზების მშენებლობაზე ყოფილი სსრ კავშირის სტრატეგიულ ადგილებში; ყარაღანდის ნახშირის აუზში აშენებდა ახალ შახტებს; 1966 წელს მუშაობა დაიწყო საქართველოს მშენებლობის სამინისტროს სისტემაში, სადაც დაინიშნა სამშენებლო სამმართველოს უფროსად; იყო ამავე სამინისტროს სამშენებლო-სამონტაჟო ტრესტ "მიწისქვეშა სპეცმშენმონტა
ჟის", ტრესტ "საშენი მასალებისა" და გაერთიანება "მრეწვრკინიგზის" გენერალური დირექტორი; მუშაობდა ცეკავშირის სისტემაში, სამშენებლო ტრესტ "კოოპმშენის" მმართველად; მისი ხელმძღვანელობით მოეწყო საკომუნიკაციო სისტემები გლდანის IV, VI, VII, VIII მიკრორაიონებში, ლილოს დასახლებაში, თემქის, ვაზისუბნის, ვარკეთილის, ბახტრიონისა და დიდი დიღმის მშენებარე მიკრორაიონებში; საქართველოს თითქმის მთელ ტერიტორიაზე აშენებდა მნიშვნელოვან ობიექტებს - ქარხნებს, სავაჭრო კომპლექსებს, მრავალსართულიან სახლებს; მონაწილეობდა სახელმწიფო ფილარმონიისა და გუდაურის კომპლექსის მშენებლობაში; მუშაობდა სს "მშენებელი -1996"-ის გენერალურ დირექტორად; არის გამოგონებების, სამეცნიერო ნაშრომების ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.171; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.240

• 2000 - ღირსების ორდენი
• სსრკ სახალხო მეურნეობის მიღწევათა გამოფენა (ВДНХ), ბრინჯაოს მედალი
• საპატიო ნიშნის ორდენი
• შრომის წითელი დროშის ორდენი