პლატონ ხელთუფლიშვილი

დაბადების ადგილი: ქ. ქუთაისი.

დაამთავრა პეტერბურგის უნივერსიტეტის მათემატიკური ფაკულტეტი 1884 წელს; 1888 წელს კი პეტერბურგის მიმოსვლის გზათა ინჟინრების ინსტიტუტი.

1917 წლამდე მუშაობდა სხვადასხვა პასუხსაგებ თანამდებობაზე რუსეთის რკინიგზების საექსპლოატაციო სამმართველოებში და მშენებლობაზე; 1919-1924წწ. მოსკოვის მიმოსვლის გზათა სახელმწიფო კომისარიატში. 1925 წლიდან ლექციებს კითხულობდა თბილისის სახელმწიფო უნივერსიტეტში, შემდეგ თბილისის რკინიგზის ტრანსპორტის ინჟინრების ინსტიტუტში. მას დიდი ღვაწლი მიუძღვის საქართველოს პოლიტექნიკური ინსტიტუტის დაარსებაში. ხიდებისა და რკინიგზების მშენებლობის სპეციალისტი, პროფესორი (1932).

წყარო: ქართული საბჭოთა ენციკლოპედია: ტ. 11.-თბ., 1987.-გვ.458

• 1941 - საქართველოს მეცნიერებისა და ტექნიკის დამსახურებული მოღვაწე