მიხეილ ხერგიანი

დაბადების ადგილი: დაბა მესტია.

დაამთავრა საქართველოს ფიზკულტურის ინსტიტუტი 1969 წელს.

გამოირჩეოდა მთაზე ასვლისა და კლდეზე ცოცვის უბადლო ოსტატობით. ძალზე პოპულარული იყო როგორც ადგილობრივ, ისე უცხოეთის მთამსვლელთა შორის; მისი მთაში სამაშველო მუშაობის შედეგად გადარჩენილია მრავალი ადამიანი. დაიღუპა იტალიაში მწვერვალ სუ-ალტოს (დოლომიტები) დალაშქვრისას. მისი სახელის უკვდავსაყოფად 1983 წელს მესტიაში გაიხსნა ხერგიანის მემორიალური მუზეუმი. 1976 წლიდან გაგრის მახლობლად ყოველწლიურად ტარდება მისი მემორიალი (შეჯიბრება კლდეზე ცოცვაში). 1969 წელს თურქესტანის ქედზე 4960 მ. სიმაღლის მწვერვალს ხერგიანის სახელი ეწოდა. 1971 წელს კლდეზე ცოცვაში საკავშირო შეჯიბრებაზე დაწესდა ხერგიანის სახელობის პრიზი. მთამსვლელი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.470; sportall.ge

• 1967 - სსრკ საერთაშორისო კლასის სპორტის ოსტატი
• 1967 - სსრკ ჩემპიონი, კლდეზე ცოცვა (ჩემპიონი)
• 1966 - სსრკ ჩემპიონი, კლდეზე ცოცვა (ჩემპიონი)
• 1965 - სსრკ ჩემპიონი, კლდეზე ცოცვა (აბსოლუტური ჩემპიონი)
• 1964 - სსრკ ჩემპიონი, კლდეზე ცოცვა (აბსოლუტური ჩემპიონი)
• 1964 - სსრკ ჩემპიონი (ალპინიზმი)
• 1963 - სსრკ სპორტის დამსახურებული ოსტატი
• 1962 - სსრკ ჩემპიონი, კლდეზე ცოცვა (აბსოლუტური ჩემპიონი)
• 1960 - სსრკ ჩემპიონი, კლდეზე ცოცვა (აბსოლუტური ჩემპიონი)
• 1956 - სსრკ ჩემპიონი (ალპინიზმი)
• 1955 - სსრკ ჩემპიონი (ალპინიზმი)
• 1952 - სსრკ ჩემპიონი, კლდეზე ცოცვა (აბსოლუტური ჩემპიონი)
• საპატიო ნიშნის ორდენი
• პროფკავშირების საკავშირო შეჯიბრება კლდეზე ცოცვაში, ჩემპიონი