გიორგი გულორდავა

დაბადების ადგილი: ქ. მარტვილი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1989 წელს.

1990-1998წწ. მუშაობდა საქართველოს სასოფლო მშენებლობის სამინისტროს სისტემაში; 1998-2004წწ., როგორც შპს "მშენებელიXXI"-ის და "დაგის" დამფუძნებელს, შესრულებული აქვს თბილისის ეროვნული სტადიონის რეკონსტრუქცია-გაფართოების სამშენებლო სამუშაოები; ასევე, მისი მონაწილეობით აშენდა ქ. თბილისის მერიის განათლების, კულტურის, სპორტისა და სოციალურ-საყოფაცხოვრებო დანიშნულების ობიექტები; მნიშვნელოვანი ღვაწლი მიუძღვის თბილისის ისტორიული ნაწილის აღდგენა-რეკონსტრუქციისა და რესტავრაციის საქმეში; მიღებული აქვს სახელმწიფო ჯილდოები. მინიჭებული აქვს ტექნიკურ მეცნიერებათა კანდიდატის სამეცნიერო ხარისხი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.172