ნუგზარ გუნცაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1952 წელს.

1952 წლიდან მუშაობდა სამშენებლო-სამონტაჟო ტრესტებში "საქჰიდროენერგომშენი" და "კავკასელექტროქსელმშენი" სამუშაოთა მწარმოებლად; 1962 წლიდან იყო საქართველოს მშენებლობის სამინისტროს თბილისის რკინაბეტონის N1 ქარხნის დირექტორი; 1965-1972წწ. - თბილისის საქალაქო საბჭოს დიდუბის რაისაბჭოს აღმასკომის თავმჯდომარე; 1972 წელს დაინიშნა საკავშირო დაქვემდებარების სამშენებლო-სამონტაჟო ტრესტ "კავკასელექტრომშენის" მმართველად; მისი უშუალო მონაწილეობითა და ხელმძღვანელობით თბილისსა და საქართველოს სხვა რეგიონებში აშენდა სამოქალაქო, სამრეწველო და ენერგეტიკული ობიექტები - 500 კვ. მაღალი ძაბვის ელექტროგადამცემი ხაზები - "ენგურჰესი-ზესტაფონი" და "ენგურჰესისტავროპოლსრესი", მაღალი ძაბვის ელექტროსადგურები - თბილისში, ზესტაფონში, სოხუმში და სხვა. მან აღზარდა საქართველოს ენერგეტიკოს მშენებელთა საუკეთესო თაობა. გამოქვეყნებული ჰქონდა სამეცნიერო ნაშრომები და სტატიები. იყო მრავალი რაციონალიზატორული წინადადების ავტორი. დაჯილდოებული იყო საკავშირო და რესპუბლიკური სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.173-174; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.93

• საქართველოს დამსახურებული რაციონალიზატორი
• საპატიო ნიშნის მედალი
• საპატიო ნიშნის ორდენი
• შრომის წითელი დროშის ორდენი
• საქართველოს დამსახურებული ინჟინერი