შალვა გურჩიანი

დაბადების ადგილი: სოფელი აჟარა, გულრიფშის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1961 წელს.

1961-1962წწ. მუშაობდა ქ. ცელინოგრადის არქიტექტურის სამმართველოს ინჟინრად; 1962-1964წწ. "ცელინოგრადორუდის" სამშენებლო სამმართველოს მთავარ ინჟინრად; 1964-1966წწ. ქ. სოხუმის საქალაქო საბჭოს აღმასკომის საბინაო სამმართველოს მთავარ ინჟინრად; 1966-1969წწ. ხელმძღვანელობდა "ფსხუჰესის" მშენებლობას და 1969-1998წწ. "საქგეოლოგიის" სპეციალიზებულ სამშენებლო სამმართველოს; 1998 წლიდან სათავეში ჩაუდგა შპს "იმედი XXI"-ს; მისი მონაწილეობით აშენდა - "ფსხუჰესი" (აფხაზეთი, სოფ. ფსხუ), პიონერთა ბანაკები (ბაკურიანში, ცხვარიჭამიასა და ფოთში "მალთაყვა"), "საქგეოლოგიის" სამრეწველო-საწარმოო და სამრეწველო-სატრანსპორტო კომპლექსები (თბილისში, ბორჯომსა და თერჯოლაში), გეოლოგიის საწარმოო ბაზები (თბილისსა და თელეთში), პანსიონატები (წყნეთში, ბორჯომსა და წყალტუბოში), მრავალბინიანი საცხოვრებელი სახლები (თბილისსა და წყალტუბოში) და სხვა ობიექტები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.177