გივი გუჯეჯიანი

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს.

მუშაობა დაიწყო საქართველოს მშენებლობის სამინისტროს სამშენებლო გაერთიანება "მთავართბილმშენის" N4 სამშენებლო სამმართველოში სპორტის სასახლის მშენებლობის სამშენებლო უბნის უფროს სამუშაოთა მწარმოებლად; იყო სამშენებლო გაერთიანება "მთავართბილმშენის" სახლსაშენი კომბინატის მთავარი ინჟინერი, თბილისის ზონალური ს/კ, ტიპური და ექსპერიმენტული პროექტების ინსტიტუტის ბაზის უფროსი, N15 მსხვილპანელოვანი სამშენებლო ტრესტის მთავარი ინჟინერი და მმართველი; იყო თბილისის საქალაქო საბჭოს ყოფილი ორჯონიკიძის რაისაბჭოს აღმასკომის თავმჯდომარე, თბილისის საქალაქო საბჭოს აღმასკომის ტრესტ "ინჟმშენის" მთავარი ინჟინერი; 1978 წელს გადავიდა მოსკოვში, სადაც მუშაობდა "გლავმოსსტროის" სამშენებლო-საპროექტო გაერთიანების მთავარ ინჟინრად, მოგვიანებით - "გლავმოსსტროის" N7 სამშენებლო ტრესტის მთავარ ინჟინრად; 1983 წლიდან დაბრუნდა საქართველოში და მუშაობდა საქართველოს მშენებლობის სამინისტროს ტრესტ "მშენინდუსტრიის" მთავარ ინჟინრად, შემდეგ - მმართველად, იყო იმავე სამინისტროს N7 სამშენებლო-სამონტაჟო ტრესტ "საქშახტმშენის" მმართველი; უშუალოდ მონაწილეობდა სპორტის სასახლის კომპლექსის მშენებლობაში; საქართველოში ერთ-ერთმა პირველმა ჩაუყარა საფუძველი მსხვილპანელოვან ბინათმშენებლობას და მის განვითარებას. მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.178

• საქართველოს დამსახურებული ინჟინერი