გუგული დადიანი

დაბადების ადგილი: სოფელი ხორში, სენაკის რაიონი.

დაამთავრა თბილისის სამიმოსვლო გზების ინჟინერთა ინსტიტუტი ხიდებისა და კონსტრუქციების სპეციალობით 1931 წელს.

1931-1953წწ. მუშაობდა შავიზღვისპირა რკინიგზაზე, თბილისის სანაპიროსა და "ხრამჰესის" მშენებლობაზე, საპროექტო ინსტიტუტ "თბილქალაქპროექტში" ინჟინერ-დამპროექტებლად, პროექტის მთავარ ინჟინრად, საგეგმო-ტექნიკური განყოფილების უფროსის მოადგილედ, განყოფილების უფროსად, მთავარ ინჟინრად, კაპიტალური მშენებლობის განყოფილების უფროსად, სამშენებლო-სამონტაჟო სამმართველოს უფროსად; 1953 წლიდან მუშაობდა სამშენებლო-სამონტაჟო ტრესტ "საქჰიდროენერგომშენის" სისტემაში გზათა მშენებლობის სამმართველოს უფროსად, "ლაჯანურჰესის" სამშენებლო სამმართველოს უფროსის მოადგილედ, მთავარ ინჟინრად, "თბილსტესის" სამშენებლო სამმართველოს მთავარ ინჟინრად; 1966 წელს დაინიშნა "ენგურჰესის" მშენებლობის სამმართველოს უფროსად; 1969-1981წწ. მუშაობდა სამშენებლო-სამონტაჟო ტრესტ "საქჰიდროენერგომშენის" მთავარ ინჟინრად; იყო მეორე მსოფლიო ომის მონაწილე.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.179; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.96-97

• შრომის წითელი დროშის ორდენი
• სამამულო ომის I ხარისხის ორდენი
• წითელი ვარსკვლავის ორდენი
• საქართველოს დამსახურებული ინჟინერი