ირაკლი დადიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1964 წელს.

1964 წელს საქმიანობა დაიწყო სამშენებლო ტრესტ "საქჰიდროენერგომშენის" სისტემაში ინჟინრად; 1964-1968წწ. მუშაობდა "საქენერგოს" სისტემის თბილისში მშენებარე ობიექტების სამუშაოთა მწარმოებლად; 1968-1972წწ. საბჭოთა კავშირის სამშენებლო დარგის სპეციალისტთა ჯგუფთან ერთად გაგზავნილ იქნა მივლინებაში საზღვარგარეთ - სირიაში, ჰიდროელექტროსადგურის მშენებლობაზე; 1972-1978წწ. მუშაობდა ქ. თბილისში საქართველოს მშენებლობის სამინისტროს სამშენებლო გაერთიანება "მთავართბილმშენის" უბნის უფროსად, ასევე, ხელმძღვანელობდა გმირთა მოედნის რეკონსტრუქციის სამუშაოებს; 1978-1980წწ. კვლავ საზღვარგარეთ იყო მივლინრბული ერაყის არაბთა რესპუბლიკაში, თბოსადგურ "ნასირიას" I ბლოკის მშენებლობის ხელმძღვანელად; 1980 წლიდან მუშაობს სს "თბილსრესმშენის" დირექტორის მოადგილის თანამდებობაზე და IX-X ენერგობლოკების ექსპლუატაციაში ჩაბარების ორგანიზატორია; მიღებული აქვს სახელმწიფო ჯილდოები, ასევე ერაყისა და სირიის რესპუბლიკების უმაღლესი ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.179

• საქართველოს ენერგეტიკისოსთა კავშირი, წევრი
• საქართველოს მშენებელთა კავშირი, წევრი