მერაბ დადიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1959 წელს.

1959-1971წწ. მუშაობდა საპროექტო-საძიებო ინსტიტუტ "ჰიდროპროექტში" ჯერ ინჟინრად, შემდეგ კი უფროს ინჟინრად;

1971-1981წწ. იმავე ინსტიტუტში პროექტის მთავარი ინჟინერი იყო; 1981 წლიდან სამუშაოდ გადავიდა უკრაინაში და 1998 წლამდე სააქციო საზოგადოება საპროექტო ინსტიტუტ "უკრაინპროექტის" ჯერ მთავარი ინჟინრის მოადგილე, შემდგომ კი განყოფილების უფროსი იყო; 1999 წლიდან მუშაობა გააგრძელა საქართველოს მელიორაციის და წყალთა მეურნეობის დეპარტამენტთან არსებული სპეციალური საინვესტიციო ბიუროს უფროსად; 2012 წლიდან არის სპეციალიზებული საინვესტიციო პრორქტების ბიუროს ხელმძღვანელი. თანამშრომლობდა ბელორუსისა და უკრაინის სათანადო სტრუქტურებთან ენერგეტიკული და მელიორაციული სისტემების რეაბელიტაციისა და განვითარების საკითხების დასაბუთებისა და ზედამხედველობის სამუშაოებში;  მონაწილეობდა "ენგურჰესის", მდ. პონვენირის (კუბა), მდ. ჩრდ. ტუნისის (ტუნისი) კაშხლების პროექტირებაში, უნგრეთი - წყალთა მეურნეობის ობიექტების, ბოლივიაში - ელექტროსადგურის მშენებლობაში; ჩერნობილის ატომური ელექტროსადგურის ავარიისა და სომხეთში მიწისძვრის შედეგების ლიკვიდაციის სამუშაოებთან დაკავშირებით მიღებული აქვს მთავრობის ჯილდოები და მედლები. 1969 წელს ქ. კიევის ენერგეტიკის სამეცნიერო-კვლევით ინსტიტუტში დაიცვა ტექნიკურ მეცნიერებათა კანდიდატის ხარისხი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.180; წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 98

• უკრაინის ჰიდრომშენებელთა ასოციაცია, წევრი

• საქართველოს დამსახურებული ინჟინერი
• უკრაინის დამსახურებული ინჟინერი