კონსტანტინე მიუფკე

დაბადების ადგილი: ქ. ყაზანი.

სწავლობდა სარატოვის უნივესიტეტში, ფიზიკა-მათემატიკის ფაკულტეტზე; დაამთავრა სარატოვის სახელმწიფო თეატრალური ტექნიკუმი 1927 წელს.

1927-1934 წლებში მუშაობს სარატოვის, დნეპროპეტროვსკის, ნოვოსიმბირსკის, ვორონეჟის დრამატულ თეატრებში. 1934 წელს ჩამოდის თბილისში და მუშაობას იწყებს ალ. გრიბოედოვის სახელობის დრამატულ თეატრში. მის მიერ შესრულებული როლებიდან აღსანიშნავია: პროსტაკოვი, გრიშა (მ. გორკის "მზის შვილები", "ბარბაროსები"), სტივა (ლ. ტოლსტოის "ანა კარენინა"), კრუტიცკი, ვოსმიბრატოვი, ლინაევი (ა. ოსტროვსკის "ზოგჯერ ბრძენიც შეცდება", "ტყე", "მგლები და ცხვრები"), ლემი (ი. ტურგენევის "აზნაურთა ბუდე"), ბობჩინსკი (ნ. გოგოლის "რევიზორი"), სორინი (ა. ჩეხოვის "თოლია"), როგოევი, კოსტავრა (ნ. ვირტას "პური ჩვენი არსებობისა"), ვარლამი (ა. პუშკინის "ბორის გოდუნოვი"), რანგო (ე. როსტანის "სირანო დე ბერჟერაკი"), ვურმი (ფ. შილერის "ვერაგობა და სიყვარული") და სხვ. განსაკუთრებული წარმატება მოუტანა მსახიობს ლენინის როლის შესრულებამ ნ. პოგოდინის პიესებში: "კრემლის კურანტები" და "თოფიანი კაცი", შ. დადიანის "ნაპერწკლიდან", დობჟინისკის "ლენინის და გორკის შეხვედრები". კ. მიუფკეს ეკუთვნის პიესა - "ხვალინდელი დღე ჩვენი იქნება", რომელშიც თავად ასრულებდა სემის როლს.

წყარო: ხელოვნების კალენდარი: თეატრი, მუსიკა, კინო.- თბ., 1993.- გვ.65; кино-театр.ру: www.kino-teatr.ru

• 1950 - საქართველოს სახალხო არტისტი
• 1940 - საქართველოს დამსახურებული არტისტი