კონსტანტინე ხომერიკი

დაბადების ადგილი: სოფელი ჩოჩხათი, ლანჩხუთის რაიონი.

მონაწილეობდა თბილისის მუშათა საპირველმაისო დემონსტრაციაში (1901), გურიის გლეხთა აჯანყებაში (1902-1903), 1906-1912 წწ. თანამშრომლობდა ბოლშევიკურ გაზეთებში. 1913 წელს თბილისში განაგრძობდა არალეგალურ პარტიულ მოღვაწეობას. 1914 წელს ცარიცინში მუშაობდა დემოკრატიული მიმართულების გაზეთ "ვოლგა-დონსკის კრაის" რედაქციაში, შემდეგ ასტრახანში გადავიდა. 1917 წლის მარტში თბილისში დაბრუნდა. აქ ენერგიულად იბრძოდა მენშევიკური მთავრობის წინააღმდეგ. რევოლუციური საქმიანობისათვის არაერთხელ იყო დაპატიმრებული და გადასახლებული (1904, 1910, 1914, 1920). საქართველოში საბჭოთა ხელისუფლების გამარჯვების შემდეგ სხვადასხვა ხელმძღვანელი თანამდებობა ეჭირა. რეპრესირებული, რეაბილიტირებული 1957 წელს. რევოლუციური მოძრაობის მონაწილე საქართველოში. 

წყარო: ქართული საბჭოთა ენციკლოპედია: ტ. 11.-თბ., 1987.-გვ.496

• კომუნისტური პარტია, წევრი (1901-)