ბიძინა წულაძე

დაბადების ადგილი: ქ. ოზურგეთი.

დაამთავრა წინამძღვრიანთ კარის სასოფლო-სამეურნეო სკოლა 1913 წლს. 

სწავლობდა ჯერ იალტის, შემდეგ თბილისის სასოფლო ინსტიტუტებში. 1920-1923წწ. კონსერვატორის ვოკალური ფაკულტეტის სტუდენტი იყო.

მუშაობდა თბილისის სკოლებში სიმღერის მასწავლებლად. ათი წლის მანძილზე ხელმძღვანელობდა მოსწავლეთა სასახლის გუნდს. მის აღზრდილთა შორის არიან მომავალში ქართული ვოკალური სკოლის უთვალსაჩინოესი წარმომადგენლები: მ. ნაკაშიძე, დ. გამრეკელი. სცენაზე პირველად მოწაფეობის დროს, ზუბალაშვილების სახალხო სახლის წარმოდგენაში გამოვიდა, სადაც 1921 წელს იმუშავა. 1923 წელს წითელ თეატრში გადავიდა. 1924-1926წწ. სწავლობდა რუსთაველის თეატრთან არსებულ დრამატულ სტუდიაში. 1926-1948წწ. ამავე თეატრის მსახიობი იყო. მის მიერ განსახიერებული როლებიდან აღსანიშნავია: დათიელა, კარლო ყაყუტაძე (შ. დადიანის "ნაპერწკლიდან", "გუშინდელნი"), თედორე (ალ. მაშაშვილის "განგაში"), სიდორი (ნ. შიუკაშვილის "სულელი"), მიტროხინი (ალ. შანშიაშვილის "არსენა"), ჯურხა (ს. მთვარიძის "მთაგრეხილზე"), გენერალი (ვ. დარასელის "კიკვიძე"), ერემიჩი (ბ. ლავრენიოვის "რღვევა") და სხვა.

წყარო: ხელოვნების კალენდარი: თეატრი, მუსიკა, კინო.- თბ., 1996.-გვ.60

• 1943 - საქართველოს დამსახურებული არტისტი
• საქართველოს რესპუბლიკის დამსახურებული მასწავლებელი