დემურ დგებუაძე

დაბადების ადგილი: ქ. სამტრედია.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სანტექნიკისა და აირმომარაგების სპეციალობით 1962 წელს.

მუშაობა დაიწყო გაერთიანება "თბილგაზის" N9 საექსპლუატაციო სამმართველოში უფროს ინჟინრად; 1963 წლიდან სამუშაოდ გადავიდა "ენგურჰესის " მშენებლობაზე, სადაც მუშაობდა ჯერ მშენებლობის დირექციის განყოფილების ინჟინრად, განყოფილების უფროსის მოადგილედ, შემდეგ - მატერიალურ-ტექნიკური მომარაგებისა და სამოქალაქო ბინათმშენებლობის სამმართველოების მთავარ ინჟინრად, საწარმოო კომბინატის დირექტორად; 1973 წლიდან სამშენებლო ტრესტ "საქსაქჰიდროენერგომშენის" საყოფაცხოვრებო-კომუნალური სამმართველოს უფროსი იყო; 1987 წელს დაინიშნა საწარმოო სამშენებლო-სამონტაჟო გაერთიანება "საქჰიდროენერგომშენის" მშენებლობის მექანიზაციის სამმართველოს უფროსად, ხოლო 1989 წელს - სააქციო საზოგადოება "მშენებლობა და მექანიზაციის" გენერალურ დირექტორად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.193

• ხალხთა მეგობრობის ორდენი
• მედალი "შრომითი მამაცობისთვის"
• საქართველოს დამსახურებული ინჟინერი