პარმენ მიქაძე

დაბადების ადგილი: სოფელი მარანი, სამტრედიის რაიონი.

საბჭოთა ხელისუფლების პირველ წლებში სოფელ მეორე ილორის სკოლაში მუსიკას ასწავლიდა და პარალელურად მარნის მუშათა გუნდის ხელმძღვანელიც იყო. წარმატება ხვდა თბილისში გამართულ კონცერტებსა და რადიოფესტივალებშიც. 1937 წელს ჩააბარეს სამტრედიის რაიონული გუნდი, რომლის გამოსვლებმაც რეპერტუარისა და შესრულების მხრივ მეოთხე და მეხუთე რესპუბლიკურ ოლიმპიადაზე დიდი ინტერესი გამოიწვია. გუნდის რეპერტუარი ახალ-ახალი ხალხური სიმღერებით შეავსო. 1945 წელს აღნიშნეს მისი უანგარო, უპრეტენზიო მოღვაწეობის 35 წლისთავი. კარგი ლოტბარი იყო და მისი გუნდები მუდამ გამოირჩეოდა დახვეწილი შესრულებით.

წყარო: ხალხური სიმღერის მოამაგენი.-თბ., 2007.-გვ.159; blog.geguchadze.com