თამაზ დგებუაძე

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო-სამოქალაქო მშენებლობის სპეციალობით 1958 წელს.

1958 წელს მუშაობა დაიწყო სამშენებლო ტრესტ "საქჰიდროენერგომშენის" N2 სამშენებლო უბანზე ინჟინერ-ოსტატად, შემდეგ - საქართველოს მშენებლობის სამინისტროს N5 სამშენებლო ტრესტში სამუშაოთა მწარმოებლად, 1960 წელს კი იმავე ტრესტის N2 სამშენებლო-სამონტაჟო სამმართველოს უბნის უფროსად დაინიშნა; 1962-1964წწ. მუშაობდა ჯერ N2 სამმართველოს, შემდგომ N4 სამმართველოს საწარმოო-ტექნიკური განყოფილების უფროსად; 1964 წელს გადაიყვანეს N5 ტრესტის N1 სამშენებლო-სამონტაჟო სამმართველოს მთავარ ინჟინრად, შემდეგ კი - სახლთმშენებელი კომბინატის მთავარ ინჟინრად; 1972 წლიდან N5 ტრესტის N2 სამშენებლო სამმართველოს უფროსი იყო; 1979 წლიდან - ამავე ტრესტის მთავარი ინჟინერი; 1979 წელს დაინიშნა აჭარის ავტონომიური რესპუბლიკის კომუნალური მეურნეობის სამინისტროს სამშენებლო-სარემონტო სამმართველოს უფროსად; 1981-1984წწ. მუშაობდა სახლმშენებელი კომბინატის მთავარ ინჟინრად; 1984 წლიდან ბათუმის მექანიკური ქარხნის დირექტორი იყო. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.193-194

• აჭარის ავტონომიური რესპუბლიკის უმაღლესი საბჭო, წევრი