სოსო დევდარიანი

დაბადების ადგილი: ქ. ხარაგაული.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1970 წელს.

1967-1974წწ. შრომითი საქმიანობა დაიწყო საქართველოს მშენებლობის სამინისტროს N3 სამშენებლო ტრესტის N2 სამშენებლო სამმართველოში, სადაც მუშაობდა ოსტატად, სამუშაოთა მწარმოებლად, უბნის უფროსად; 1977-1997წწ. ამავე სამინისტროს N13 სამშენებლო ტრესტის N7 სამშენებლო სამმართველოს უფროსად; 1997 წლიდან შეზღუდული პასუხისმგებლობის საზოგადოების დირექტორია; უშუალოდ ხელმძღვანელობდა საქართველოს სასოფლო-სამეურნეო ინსტიტუტის, საწარმოო გაერთიანება "სამთო ქიმიის", საქართველოს სოცუზრუნველყოფისა და საქართველოს "მრეწვმშენბანკის" შენობების, პროფკავშირების სასახლის, ლილოს სავაჭრო ცენტრის, პოლიკლინიკების (თემქასა და ვარკეთილში), ტუბსაავადმყოფოს, სკოლებისა და საბავშვო ბაღების, სხვადასხვა კულტურულ-საყოფაცხოვრებო დანიშნულების ობიექტის მშენებლობას; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.194