ავთანდილ დვალი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი ინჟინერ-მარკშეიდერის სპეციალობით 1966 წელს.

1966-1969წწ. მუშაობდა კვაისის მაღაროთა სამმართველოში, "თბილგვირაბმშენში", საქართველოს საშენ მასალათა სამინისტროში სხვადასხვა თანამდებობაზე; 1969-1979წწ. იყო საპროექტო ინსტიტუტ "სოიუზდორპროექტის" თბილისის ფილიალის საძიებო პარტიისა და ექსპედიციის უფროსი; მივლინებით იმყოფებოდა კუბის რესპუბლიკაში; იყო სახელმწიფო ორგანიზაციების საგზაო-სატრანსპორტო დარგის მრჩეველი; 1980 -1992წწ. მუშაობდა თბილისის საქალაქო საბჭოს აღმასკომის საგზაო მეურნეობის N1 და N3 საგზაო სამმართველოში მთავარ ინჟინრად; 1992-1995წწ. ვაკის რაიონის საგზაო სამმართველოს უფროსად; 1995-2002წწ. შპს "საგზაო ვაკის" დირექტორად; მისი თანაავტორობით დამუშავდა საძიებო-საპროექტო სამუშაოები ისეთ ობიექტებზე, როგორებიცაა: "ადლერი-ხოსტა-მაცესტის", "სოჭი-დიდი ხოსტისა" და "ულან უდე-ჩიტას" მაგისტრალური საავტომობილო გზა და სხვა; მისი მონაწილეობით შესრულებულია გზების მოწყობა მდ. მტკვრის მარჯვენა და მარცხენა სანაპიროებზე, "წყნეთი-ბეთანია-კიკეთის", "ზაჰესი-თბილისის ზღვის" ტერიტორორიებზე, ხიდების სარეკონსტრუქციო სამუშაოები და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.194-195; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.92

• 2001 - ღირსების ორდენი